തിരുവനന്തപുരം: നിര്‍ദിഷ്ട കേന്ദ്ര മോട്ടോര്‍ വാഹന നിയമത്തില്‍ സംസ്ഥാനത്തെ ദോഷകരമായി ബാധിക്കുന്ന നിര്‍ദേശങ്ങള്‍ ഉള്‍പ്പെടുത്തരുതെന്നാവശ്യപ്പെട്ട് പ്രതിനിധിസംഘത്തെ അയക്കുമെന്ന് മന്ത്രി തോമസ് ചാണ്ടി നിയമസഭയില്‍ അറിയിച്ചു. രാജ്യസഭയില്‍ ബില്ല് അവതരിപ്പിക്കുമ്പോള്‍ സംസ്ഥാനത്തിന് ദോഷകരമായ നിര്‍ദേശങ്ങള്‍ പാസാക്കാതിരിക്കാന്‍ പ്രതിപക്ഷ അംഗങ്ങളുടെ സഹകരണത്തോടെ അഭിപ്രായമറിയിക്കും. അടുത്ത വര്‍ഷം ഒക്‌ടോബര്‍ ഒന്നു മുതല്‍ കംപ്യൂട്ടറൈസ്ഡ് വാഹന ടെസ്റ്റിങ് സ്റ്റേഷനുകള്‍ നിര്‍ബന്ധമാക്കും. വാഹന ഡീലര്‍മാര്‍ക്ക് നേരിട്ട് രജിസ്‌ട്രേഷന്‍ ചെയ്യാമെന്നുള്ള വ്യവസ്ഥ വാഹന ഉടമകളെ കബളിപ്പിക്കുന്നതിന് ഇടയാക്കുമെന്നും കുത്തകകളെ ലക്ഷ്യം വച്ചാണ് നിയമം പാസാക്കുന്നതെന്നും മന്ത്രി പറഞ്ഞു.