എരമല്ലൂര്‍: എഴുപുന്ന പഞ്ചായത്ത് പതിനാറാം വാര്‍ഡിലേക്ക് നടക്കുന്ന ഉപതെരഞ്ഞെടുപ്പിലെ ഐക്യജനാധിപത്യ മുന്നണി സ്ഥാനാര്‍ത്ഥി എം.വി ഷണ്‍മുഖന്റെ തെരഞ്ഞെടുപ്പ് കണ്‍വന്‍ഷന്‍ നാളെ വൈകുന്നേരം 5.30ന് പുതുക്കുളങ്ങര വെളി ക്ഷേത്രത്തിന് സമീപത്തുള്ള ഇന്ദിരാനഗറില്‍ നടക്കും. ഡി.സി.സി പ്രസിഡന്റ് എം ലിജു ഉദ്ഘാടനം ചെയ്യും. യു.ഡി.എഫ് എഴുപുന്ന പഞ്ചായത്ത് കമ്മിറ്റി ചെയര്‍മാന്‍ കെ.കെ പുരുഷോത്തമന്‍ അധ്യക്ഷത വഹിക്കും. അരൂര്‍ ബ്ലോക്ക് കോണ്‍ഗ്രസ് കമ്മിറ്റി പ്രസിഡന്റ് ദിലീപ് കണ്ണാടന്‍, യു.ഡി.എഫ് എഴുപുന്ന പഞ്ചായത്ത് കമ്മിറ്റി കണ്‍വീനര്‍ പി.പി.അനില്‍കുമാര്‍, ഐ.എന്‍.ടി.യു.സി ജില്ലാ ജനറല്‍ സെക്രട്ടറി അസീസ് പായീക്കാട്, ഡി.സി.സി അംഗം കെ.രാജീവന്‍, മഹിളാ കോണ്‍ഗ്രസ് അരൂര്‍ ബ്ലോക്ക് വൈസ് പ്രസിഡന്റ് എസ്.റ്റി ശ്യാമളകുമാരി, എഴുപുന്ന മണ്ഡലം മഹിളാ കോണ്‍ഗ്രസ് കമ്മിറ്റി പ്രസിഡന്റ് ബിന്ദു ഷാജി തുടങ്ങിയവര്‍ പ്രസംഗിക്കും.