കായംകുളം: കായംകുളത്ത് ഡി.വൈ.എഫ്.ഐ പ്രവര്‍ത്തകന്റെ കൊലപാതകത്തില്‍ കോണ്‍ഗ്രസ് നേതാവ് അറസ്റ്റില്‍.
കായംകുളം മുനിസിപ്പാലിറ്റിയിലെ കോണ്‍ഗ്രസ് കൗണ്‍സിലര്‍ നിസാം കാവിലാണ് അറസ്റ്റിലായത്. ഡിവൈഎഫ്‌ഐ പ്രവര്‍ത്തകന്‍ സിയാദിനെ കൊലപ്പെടുത്തിയ ശേഷം മുഖ്യ പ്രതി മുജീബ് രക്ഷപ്പെട്ടത് നിസാമിന്റെ വാഹനത്തിലായിരുന്നു. കൊലപാതക വിവരം അറിഞ്ഞിട്ടും നിസാം മറച്ചുവെച്ചെന്നും പൊലീസ്.

ചൊവ്വാഴ്ച രാത്രി പത്തുമണിക്ക് കായംകുളത്തെ എംഎസ്എം സ്‌കൂളിന് സമീപത്ത് വെച്ചാണ് സിയാദിനെ വെറ്റ മുജീബ് എന്ന മുജീബ് റഹ്മാന്‍ കുത്തി കൊലപ്പെടുത്തിയത്. ഇതിനുശേഷം രക്ഷപ്പെട്ട മുജീബിനെ ഇന്നലെ രാത്രിയോടെ പോലീസ് പിടികൂടി.കേസില്‍ വിക്ടോബ ഫൈസല്‍ എന്നയാളെ നേരത്തെ കസ്റ്റഡിയില്‍ എടുത്തിരുന്നു. മുന്‍വൈരാഗ്യത്തെ തുടര്‍ന്നാണ് സിയാദിനെ മുജീബ് കൊലപ്പെടുത്തിയത്