മുക്കം: കാരശ്ശേരി തേക്കിന്‍ചുവടില്‍ ബസ് കാത്തുനിന്ന വയോധികയുടെ സ്വര്‍ണ മാല  ബൈക്കിലെത്തിയ സംഘം പൊട്ടിച്ച് കടന്ന് കളഞ്ഞു. തേക്കിന്‍ചുവട് ചാലക്കല്‍ ഇന്നലെ രാവിലെയായിരുന്നു സംഭവം.
ഇവരുടെ ബഹളം കേട്ട് നാട്ടുകാര്‍ ഓടികൂടിയപ്പോഴേക്കും മോഷ്ടാക്കള്‍ രക്ഷപ്പെട്ടിരുന്നു. നാട്ടുകാര്‍ വിവരമറിയിച്ചതിനെ തുടര്‍ന്ന് പൊലിസ് സ്ഥലത്തെത്തിയെങ്കിലും മോഷ്ടാക്കളെ കുറിച്ച് യാതൊരു വിവരവും ലഭിച്ചില്ല.
അടുത്ത കാലത്ത് മുക്കം കേന്ദ്രീകരിച്ച് നിരവധി മോഷണങ്ങളാണ് നടക്കുന്നത്.
പൊലിസ് കേസെടുത്ത് അന്വേഷണം ആരംഭിച്ചു.