അരൂര്‍: ബൈക്ക് ലോറികള്‍ക്കിടയില്‍പ്പെട്ട് രണ്ട് യുവാക്കള്‍ക്ക് ഗുരുതരമായി പരിക്കേറ്റു. അരൂര്‍ പെരുമ്പറമ്പില്‍ സന്ദീപ് (30), അരൂര്‍ പീടിയേക്കല്‍ ഉല്ലാസ് (32) എന്നിവര്‍ക്കാണ് പരിക്കേറ്റത്. കഴിഞ്ഞ ദിവസം രാത്രി അരൂര്‍ പള്ളി ബസ്‌സ്റ്റോപ്പിന്  സമീപമായിരുന്നു അപകടം. അരൂര്‍ ബൈപ്പാസ് കവലയില്‍നിന്നും യൂ ടേണ്‍ തിരിഞ്ഞ് വരുമ്പോഴേക്കും വടക്കുനിന്നു വരികയായിരുന്ന ബൈക്ക് കണ്ടെയ്‌നര്‍ ലോറിയുടേയും മറ്റൊരു ചരക്കു ലോറിയുടേയും ഇടയില്‍പ്പെടുകയായിരുന്നു. ഇതോടെ ഇരുലോറികളുടേയും ഇടയില്‍പ്പെട്ട് ഞെരയുകയായിരുന്നു. അപകടത്തില്‍ ബൈക്ക് പൂര്‍ണ്ണമായും തകര്‍ന്നു. ഇരുവരേയും എറണാകുളത്തെ സ്വകാര്യാശുപത്രിയില്‍ പ്രവേശിപ്പിച്ചു.