വെള്ളിമാട്കുന്ന്: സാങ്കേതിക വിദ്യാഭ്യാസ വകുപ്പിന്റെ നാഷനല്‍ സര്‍വിസ് സ്‌കീം അവാര്‍ഡുകള്‍ ജെ.ഡി.ടി ഇസ്‌ലാം പോളിടെക്‌നിക് കോളജ് വിവിധ വിഭാഗങ്ങളിലായി കരസ്ഥമാക്കി. മന്ത്രി കടകംപള്ളി സുരേന്ദ്രനാണ് അവാര്‍ഡ് വിതരണം ചെയ്തത്. കോളജില്‍ നടന്ന 'പുനര്‍ജനി' ക്യാംപ് പ്രത്യേക പുരസ്‌കാരത്തിന് അര്‍ഹമായി. മികച്ച വളന്റിയര്‍ക്കുള്ള അവാര്‍ഡ് വളന്റിയര്‍ സെക്രട്ടറി മെഹ്താബ്, എ.പി.ജെ അബ്ദുല്‍കലാം യൂനിവേഴ്‌സിറ്റി വൈസ്ചാന്‍സിലര്‍ കുഞ്ചറിയ പി. ഐസക്കില്‍ നിന്നു സ്വീകരിച്ചു.
ആശുപത്രി ഉപകരണങ്ങള്‍ പുനര്‍ജീവിപ്പിക്കുക, ശുചീകരണ പ്രവര്‍ത്തനങ്ങള്‍ നടപ്പാക്കുക തുടങ്ങിയ ഉദ്ദേശത്തോടെ കോഴിക്കോട് ഗവ. മെഡിക്കല്‍ കോളജില്‍ സംഘടിപ്പിച്ച 'പുനര്‍ജനി' 95 ലക്ഷത്തോളം രൂപയുടെ പുനര്‍നിര്‍മാണ പ്രവര്‍ത്തനങ്ങള്‍ നടത്തി.
എന്‍.എസ്.എസ് പ്രോഗ്രാം ഓഫിസര്‍മാര്‍ക്കുള്ള പ്രത്യേക പുരസ്‌കാരം സാദിഖ്, റിയാസ് ഏറ്റുവാങ്ങി. ചടങ്ങില്‍ സ്റ്റേറ്റ് പ്രോഗ്രാം കോര്‍ഡിനേറ്റര്‍ അബ്ദുല്‍ ജബ്ബാര്‍ അഹമ്മദ് അധ്യക്ഷനായി.