ഹൈദരാബാദ്: നടനും തെലുങ്ക് ദേശം പാര്‍ട്ടി നേതാവും മുന്‍ എം.പിയുമായ നന്ദമുരി ഹരികൃഷ്ണ (61) വാഹനാപകടത്തില്‍ മരിച്ചു. ആന്ധ്രാപ്രദേശിലെ നാല്‍ഗോണ്ട ഹൈവേയില്‍ നെല്ലൂരിനടുത്തുവച്ചായിരുന്നു അപകടം.
മുന്‍ ആന്ധ്രാപ്രദേശ് മുഖ്യമന്ത്രിയും തെലുങ്ക് ദേശം പാര്‍ട്ടി സ്ഥാപകനുമായ എന്‍.ടി രാമറാവുവിന്റെ മകനും ആന്ധ്രാപ്രദേശ് മുഖ്യമന്ത്രി ചന്ദ്രബാബു നായിഡുവിന്റെ മരുമകനുമാണ്. ഇദ്ദേഹം ഓടിച്ച കാര്‍ ഡിവൈഡറില്‍ കയറി മറിയുകയായിരുന്നു. 2014ല്‍ നാല്‍ഗോണ്ടയ്ക്കടുത്ത് നടന്ന റോഡപകടത്തില്‍ ഹരികൃഷ്ണയുടെ മകനും മരിച്ചിരുന്നു. ലക്ഷ്മി ഹരികൃഷ്ണയാണ് ഭാര്യ. മക്കള്‍: കല്യാണ്‍ റാം, നന്ദകുമാരി താരക, രാമ റാവു, സുഭാഷിണി.