ധാക്ക: ഹിന്ദു വിധവകള്‍ക്ക് അവരുടെ മരണപ്പെട്ട ഭര്‍ത്താവിന്റെ സ്വത്തില്‍ അവകാശമുണ്ടായിരിക്കുമെന്ന ചരിത്രവിധിയുമായി ബംഗ്ലാദേശ് കോടതി. ഭര്‍ത്താവിന്റെ ഭൂമി കൈകാര്യം ചെയ്യാനും വില്‍ക്കാനും വിധവയ്ക്ക് അവകാശമുണ്ടെന്ന് ബംഗ്ലാദേശ് ഹൈക്കോടതി ജഡ്ജി ജസ്റ്റിസ് മിഫ്ത്താഹുദ്ദീന്‍ ചൗധരി പറഞ്ഞു. നിലവില്‍ രാജ്യത്തെ ഹിന്ദു വിധവകള്‍ക്ക് ഭര്‍ത്താവിന്റെ വീടിനുമേല്‍ മാത്രമേ അവകാശമുള്ളൂ.