കണ്ണൂര്‍: കക്കാട് ടൗണില്‍ കൂള്‍ബാറില്‍ അതിക്രമിച്ചുകയറി ഉടമയെയും ഓട്ടോഡ്രൈവറെയും മര്‍ദിച്ചതായി പരാതി. പരുക്കേറ്റ കൂള്‍ബാര്‍ ഉടമ കക്കാട് ടൗണിലെ ഇര്‍ഷാദി(32)നെയും ഓട്ടോഡ്രൈവര്‍ മന്‍സൂറി(40)നെയും എ.കെ.ജി ആശുപത്രിയില്‍ പ്രവേശിപ്പിച്ചു. ഇര്‍ഷാദിന്റെ ബന്ധുവായ റാഫിയാണു മര്‍ദിച്ചതെന്നു പരുക്കേറ്റവര്‍ പൊലിസിനു നല്‍കിയ പരാതിയില്‍ പറയുന്നു. ഓട്ടോറിക്ഷകള്‍ തമ്മില്‍ ഉരസിയതുമായി ബന്ധപ്പെട്ട തര്‍ക്കമാണ് മര്‍ദനത്തില്‍ കലാശിച്ചത്.