തിരുവനന്തപുരം: സി.പി.എമ്മിന്റെ നിലപാടിനെ ബി.ജെ.പി അപലപിക്കുന്നു. ദേശീയപാത വികസനം തടസ്സപ്പെടുത്താന്‍ കേന്ദ്രമന്ത്രിക്ക് കത്തയച്ചെന്ന മുഖ്യമന്ത്രിയുടെയും ധനമന്ത്രിയുടെയും ആരോപണങ്ങളില്‍ പ്രതികരിക്കുകയായിരുന്നു പി.എസ് ശ്രീധരന്‍ പിള്ള.
ദേശീയപാത വികസനം സംബന്ധിച്ച് അനാവശ്യ വിവാദമാണ് സി.പി.എം ഭരണകൂടം ഉണ്ടാക്കുന്നതെന്നും ഇത് ആസൂത്രിതമാണെന്നും ശ്രീധരന്‍ പിള്ള വ്യക്തമാക്കി. ദേശീയപാത വികസനത്തിന് തടസ്സം എന്താണെന്ന് ഡല്‍ഹിയില്‍ പോയി അന്വേഷിക്കേണ്ടതാണ്. വിവാദമുണ്ടാക്കാന്‍ ശ്രമിക്കുന്നവര്‍ കത്തിലെ അവസാന വരി വായിക്കാന്‍ തയാറാകണം. സി.പി.എമ്മിനെ കാത്തിരിക്കുന്നത് ചരിത്രത്തിലെ ഏറ്റവും വലിയ പരാജയമാണെന്നും മനസ്സാക്ഷിയുള്ളവര്‍ക്ക് കാര്യം മനസ്സിലാകുമെന്നും ശ്രീധരന്‍ പിള്ള പറഞ്ഞു.