ന്യൂഡല്‍ഹി: മായാവതി ദേശീയതയുടെ അടയാളമാണെന്നും താനവരെ ബഹുമാനിക്കുന്നുവെന്നും കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. എന്‍ഡിടിവിക്ക് നല്‍കിയ അഭിമുഖത്തിലാണ് ബിഎസ്പി അധ്യക്ഷ മായാവതിയെക്കുറിച്ചുള്ള രാഹുലിന്റെ പരാമര്‍ശം.

മായാവതി രാജ്യത്തിന് നല്‍കിയ സംഭാവനകളെ ബഹുമാനിക്കുന്നുവെന്നു രാഹുല്‍ ഗാന്ധി പറഞ്ഞു. മായാവതി കോണ്‍ഗ്രസുകാരിയല്ല. അവര്‍ നല്‍കുന്ന സന്ദേശം ദേശീയത ഉയര്‍ത്തിപ്പിടിക്കുന്നതാണ്. അവരെ ഞാന്‍ സ്‌നേഹിക്കുന്നു, ബഹുമാനിക്കുന്നു. അവരുടെ ആശയങ്ങളോട് രാഷ്ട്രീയപരമായി ഏറ്റുമുട്ടുമ്പോള്‍ തന്നെ അവര്‍ നല്‍കിയ സംഭാവനകളെ ആദരിക്കുന്നു-രാഹുല്‍ പറഞ്ഞു.