മലപ്പുറം: ആള്‍ കേരള സ്‌കൂള്‍ ടീച്ചേഴ്‌സ് യൂനിയന്‍ നടത്തുന്ന സംസ്ഥാനതല പൊതുവിദ്യാഭ്യാസ മുന്നേറ്റ യാത്രക്ക് ജില്ലയിലെ വിവിധ കേന്ദ്രങ്ങളില്‍ സ്വീകരണം നല്‍കി. സംസ്ഥാനതല ജാഥയുടെ ജില്ലാപര്യടനം തിരൂര്‍ തുഞ്ചന്‍ പറമ്പില്‍ സി.പി.ഐ തിരൂര്‍ മണ്ഡലം സെക്രട്ടറി അഡ്വ. കെ ഹംസ ഫ്‌ളാഗ് ഓഫ് ചെയ്തു. തിരൂര്‍ ബസ് സ്റ്റാന്‍ഡ്,  വൈലത്തൂര്‍, കോട്ടക്കല്‍, ഒതുക്കുങ്ങല്‍ എന്നിവിടങ്ങളില്‍ സ്വീകരണം നല്‍കി.
മലപ്പുറത്ത് ചേര്‍ന്ന സമാപനസമ്മേളനം  എം.എം സജീന്ദ്രന്‍ ഉദ്ഘാടനം ചെയ്തു. എ.ഐ.ടി.യു.സി ജില്ലാ സെക്രട്ടറി അഡ്വ. കെ മോഹന്‍ദാസ്, കേരള ശാസ്ത്ര സാഹിത്യ പരിഷത്ത് കേന്ദ്ര നിര്‍വാഹക സമിതി അംഗം വി വിനോദ്, ജോ. കണ്‍സില്‍ ജില്ലാ സെക്രട്ടറി ടി.പി സജീഷ്, പി.എം ആഷിഷ് സംസാരിച്ചു.  സി.എച്ച് നൗഷാദ് അധ്യക്ഷനായി. വിവിധ സ്വീകരണ കേന്ദ്രങ്ങളില്‍ ജാഥാക്യാപ്റ്റന്‍ എ.കെ.എസ്.ടി.യു ജനറല്‍ സെക്രട്ടറി എന്‍ ശ്രീകുമാര്‍, കെ.കെ ഭാസ്‌ക്കരന്‍, ഒ.കെ ജയകൃഷ്ണന്‍, എസ് ഹാരിസ്, എന്‍ ഗോപാലകൃഷ്ണന്‍ സംസാരിച്ചു.