തൊടുപുഴ:  വസ്തു വ്യാപാര തൊഴിലാളികള്‍ നേരിടുന്ന പ്രശ്‌നങ്ങളില്‍ അടിയന്തിര ശ്രദ്ധ പതിപ്പിക്കണമെന്ന് കേരളാ സ്റ്റേറ്റ് വസ്തു വ്യാപാര തൊഴിലാളി യൂണിയന്‍(എ.ഐ.ടി.യു.സി) സംസ്ഥാന  സമ്മേളനം പ്രമേയത്തിലൂടെ സര്‍ക്കാരിനോട് ആവശ്യപ്പെട്ടു.
അണ്ടര്‍ വാല്യുവേഷന്‍ ഒഴിവാക്കുക, റിയല്‍ എസ്‌റ്റേറ്റ് റഗുലേറ്ററി കമ്മറ്റിയില്‍ വസ്തു വ്യാപാര തൊഴിലാളി പ്രതിനിധികളെ ഉള്‍പ്പെടുത്തുക, അശാസ്ത്രീയമായ ഫെയര്‍വാല്യു സമ്പ്രദായം പരിഷ്‌ക്കരിക്കുക, വസ്തു വ്യാപാര തൊഴിലാളികള്‍ക്ക് നിയമ പരിരക്ഷ ഉറപ്പു വരുത്തുക തുടങ്ങിയ ആവശ്യങ്ങള്‍ സര്‍ക്കാര്‍ അംഗീകരിക്കണമെന്നും സമ്മേളനം  ആവശ്യപ്പെട്ടു.
'വസ്തു വ്യാപാരത്തിലെ പുതിയ പ്രതിസന്ധിയും പരിഹാര മാര്‍ഗങ്ങളും' എന്ന  സെമിനാര്‍ എ.ഐ.ടി.യു.സി സംസ്ഥാന  വര്‍ക്കിംങ് പ്രസിഡന്റ് ജെ. ഉദയഭാനു ഉദ്ഘാടനം ചെയ്തു. എ.ഐ.ടി.യുസി സംസ്ഥാന വൈസ് പ്രസിഡന്റ് വാഴൂര്‍ സോമന്‍ അധ്യക്ഷനായി.
കെ. ആര്‍. ഷാജി, വി .വി തോമസ്, പി.പി സൂര്യകുമാര്‍, മാരിയില്‍ കൃഷ്ണന്‍ നായര്‍, പി.കെ സദാശിവന്‍ സംസാരിച്ചു. ജോഷി തയ്യില്‍ നന്ദി പറഞ്ഞു. പുതിയ ഭാരവാഹികളായി കെ. ആര്‍. ഷാജി(പ്രസിഡന്റ്), കെ. രാധാകൃഷ്ണന്‍(സെക്രട്ടറി) എന്നിവരെ തെരഞ്ഞടുത്തു.