കോഴിക്കോട്: ലോക്‌സഭാ തെരഞ്ഞെടുപ്പില്‍ ന്യൂനപക്ഷങ്ങള്‍ ഇടതുപക്ഷത്തിന് എതിരായി വോട്ട് ചെയ്‌തെങ്കില്‍ അതെന്തുകൊണ്ടെന്ന് പരിശോധിച്ച് സി.പി.എം തെറ്റു തിരുത്തുകയാണ് വേണ്ടതെന്ന് എസ്.ഡി.പി.ഐ. ന്യൂനപക്ഷ വോട്ടുകള്‍ യു.ഡി.എഫിന് അനുകൂലമായി ഏകീകരിക്കപ്പെട്ടുവെന്ന രീതിയിലുള്ള സി.പി.എം നേതാക്കളുടെ പ്രതികരണം പരാജയ ഭീതിമൂലമാണെന്നും എസ്.ഡി.പി.ഐ സംസ്ഥാന പ്രസിഡന്റ് പി. അബ്ദുല്‍ മജീദ് ഫൈസി വാര്‍ത്താസമ്മേളനത്തില്‍ പറഞ്ഞു. കോടിയേരിയുടെ പ്രസ്താവന അണികളെ കലാപത്തിന് പ്രേരിപ്പിക്കുന്നതാണ്. എക്‌സിറ്റ് പോളുകളോട് പ്രതികരിച്ച് കോടിയേരി നടത്തിയ പ്രസ്താവന ഗൗരവമുള്ളതാണെന്നും അദ്ദേഹം വ്യക്തമാക്കി.
വാര്‍ത്താസമ്മേളനത്തില്‍ സംസ്ഥാന ജന. സെക്രട്ടറി പി. അബ്ദുല്‍ ഹമീദ്, സംസ്ഥാന സെക്രട്ടറി മുസ്തഫ കൊമ്മേരി എന്നിവരും സംബന്ധിച്ചു.