മട്ടന്നൂര്‍: സമൂഹത്തില്‍ വര്‍ധിച്ചുവരുന്ന അധാര്‍മികതയ്‌ക്കെതിരേയും അശ്ലീലതകള്‍ക്കെതിരേയും യുവസമൂഹം ഉണര്‍ന്നു പ്രവര്‍ത്തിക്കണമെന്നു സമസ്ത സെക്രട്ടറി പി.പി ഉമര്‍ മുസ്‌ലിയാര്‍. പഠിച്ച അറിവ് ഉപയോഗിക്കാത്തതാണ് ഏറ്റവും വലിയ അപചയം. ഇവ മറികടക്കാന്‍ മാതൃകാപരമായ ഇടപെടല്‍ അനിവാര്യമാണെന്നും അദ്ദേഹം പറഞ്ഞു. മട്ടന്നൂര്‍ വായാന്തോട് എസ്.കെ.എസ്.എസ്.എഫ് സമ്മേളനം ഉദ്ഘാടനം ചെയ്യുകയായിരുന്നു ഉമര്‍ മുസ്‌ലിയാര്‍. അബ്ദുറഹ്മാന്‍ കല്ലായി അധ്യക്ഷനായി. ഹാഫിസ് ഷക്കീര്‍ ഹൈത്തമി പ്രഭാഷണം നടത്തി. എം.സി കുഞ്ഞഹമ്മദ്, കെ. അബ്ദുല്ലക്കുട്ടി ഹാജി, ടി.എച്ച് ഷൗക്കത്തലി മൗലവി, റഈസ് യമാനി, അലി ഹാജി, യു. മഹറൂഫ് സംബന്ധിച്ചു. നാളെ വരെ മതപ്രഭാഷണവും നടക്കും.