ന്യൂഡല്‍ഹി: ജനങ്ങള്‍ അവരുടെ വിധി തെരഞ്ഞെടുത്തുവെന്നും ഞാന്‍ അത് അംഗീകരിക്കുന്നുവെന്നും കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. എ.ഐ.സി.സി ആസ്ഥാനത്ത് വിളിച്ചു ചേര്‍ത്ത വാര്‍ത്താ സമ്മേളനത്തിലാണ് രാഹുല്‍ ഗാന്ധിയുടെ പരാമര്‍ശം.

കുറഞ്ഞ സമയം മാത്രമാണ് രാഹുല്‍ വാര്‍ത്താ സമ്മേളനത്തില്‍ സംസാരിച്ചത്.

ഇന്ന് തെരഞ്ഞെടുപ്പ് വിശദമായി ആഴത്തിലേക്ക് ചര്‍ച്ച ചെയ്യേണ്ട ദിവസമല്ല. ഇന്ന് പ്രധാനമന്ത്രിയെ തെരഞ്ഞെടുത്ത ദിവസമാണ്. ഇന്ന് അവരെ അഭിനന്ദിക്കേണ്ട ദിവസമാണ്.

അമേഠി മണ്ഡലത്തില്‍ തന്നെ പരാജയപ്പെടുത്തിയ സ്മൃതി ഇറാനിയെ രാഹുല്‍ ഗാന്ധി അഭിനന്ദിച്ചു. അവരെ ബഹുമാനിക്കുന്നുവെന്നും അമേഠിയുടെ പ്രിയം അവര്‍ക്കു നല്‍കണമെന്നും രാഹുല്‍ ഗാന്ധി പറഞ്ഞു.