മലപ്പുറം: പ്രളയത്തില്‍ സ്‌കൂള്‍ സര്‍ട്ടിഫിക്കറ്റുകള്‍ നഷ്ടമായവര്‍ക്ക് പുതിയതിന് ഈ മാസം 14 വരെ അപേക്ഷിക്കാം. നേരത്തെ അഞ്ചിന് അവസാനിപ്പിക്കാന്‍ നിശ്ചയിച്ചിരുന്ന അപേക്ഷ നടപടികളാണ് പൊതുജനങ്ങളുടെ ആവശ്യം പരിഗണിച്ച് നീട്ടിയത്.
വിദ്യാഭ്യാസ വകുപ്പ് വിതരണം ചെയ്യുന്ന വിവിധ സര്‍ട്ടിഫിക്കറ്റുകള്‍ നഷ്ടപ്പെട്ടവര്‍ക്കാണ് യാതൊരു ഫീസും കൂടാതെ വീണ്ടും ലഭ്യമാക്കാന്‍ സര്‍ക്കാര്‍ നടപടി സ്വീകരിച്ചിരിക്കുന്നത്. സ്‌കൂള്‍ പ്രഥമാധ്യാപകര്‍ മുഖാന്തരം 14നകം ലഭിക്കുന്ന അപേക്ഷകള്‍ 15നകം ഡയരക്ടറേറ്റില്‍ എത്തിക്കണം. ഇത്തരത്തില്‍ അപേക്ഷ നല്‍കുന്നവരില്‍ നിന്നും യാതൊരു ഫീസും ഈടാക്കരുതെന്നാണ് നിര്‍ദേശം.