മുണ്ടേരി: കേരള വയോജന വേദി മുണ്ടേരി യൂനിറ്റ് രണ്ടിന്റെ ആഭിമുഖ്യത്തില്‍ സി.കെ ശശീന്ദ്രന്‍ എം.എല്‍.എക്ക് സ്വീകരണം നല്‍കി. മുണ്ടേരി വയോജന പകല്‍ വിശ്രമ കേന്ദ്രത്തില്‍ നടന്ന പരിപാടി കല്‍പ്പറ്റ നഗരസഭാ കൗണ്‍സിലര്‍ വി.പി ശോശാമ്മ ഉദ്ഘാടനം ചെയ്തു. യൂനിറ്റ് പ്രസിഡന്റ് എം.ജി ജേക്കബ് അധ്യക്ഷനായി. വയോജന വേദി സംസ്ഥാന സെക്രട്ടറി കെ കുഞ്ഞികൃഷ്ണന്‍ എം.എല്‍.എ പൊന്നാട അണിയിച്ചു. മുണ്ടേരി വയോജന പകല്‍ വിശ്രമ കേന്ദ്രത്തിന് സൗജന്യമായി സ്ഥലം നല്‍കിയ ഡോ.വി.ജെ സെബാസ്റ്റ്യന്‍, ഡോ. ട്രീസ സെബാസ്റ്റ്യന്‍ ദമ്പതികളെ കല്‍പ്പറ്റ മുനിസിപ്പല്‍ ചെയര്‍പേഴ്‌സണ്‍ ബിന്ദുജോസ് പൊന്നാട അണിയിച്ചു ആദരിച്ചു. യൂനിറ്റിലെ മുതിര്‍ന്ന് അംഗമായ രുഗ്മിണിയെയും ചടങ്ങില്‍ ആദരിച്ചു.
സംസ്ഥാന സെക്രട്ടറി കെ കുഞ്ഞികൃഷ്ണന്‍ സംഘടനാകാര്യങ്ങള്‍ വിശദീകരിച്ചു. കല്‍പ്പറ്റ മുനിസിപ്പല്‍ ചെയര്‍പേഴ്‌സണ്‍ ബിന്ദുജോസ്, കൗണ്‍സിലര്‍ വി.പി ശോശാമ്മ, കെ.എം ദിവാകരന്‍, എന്‍ ശാന്ത, ഡോ. വി.ജെ സെബാസ്റ്റ്യന്‍ എന്നിവര്‍ സംസാരിച്ചു. യൂനിറ്റ് സെക്രട്ടറി ട്രീസാ വിന്‍സെന്റ് സ്വാഗതവും പി കുമാരന്‍ നന്ദിയും പറഞ്ഞു.