റിയാദ്: റിയാദ് കെ.എം.സി.സി.മലപ്പുറം ജില്ലാ കമ്മറ്റി സെക്രട്ടറിയും വണ്ടൂർ മണ്ഡലം പ്രസിഡൻറുമായിരുന്ന ശിഹാബ് കുട്ടശ്ശേരിക്ക് റിയാദ് വണ്ടൂർ മണ്ഡലം കെ.എം.സി.സി.കമ്മറ്റി യാത്രയയപ്പ് നൽകി. റിയാദ് ബത്ത അപ്പോളോ ഡിമോറ ഓഡിറ്റോറിയത്തിൽ നടന്ന ചടങ്ങിൽ വച്ച് മണ്ഡലം കെ.എം.സി.സി. കമ്മറ്റിയുടെ ഉപഹാരം മണ്ഡലം ജനറൽ സെക്രട്ടറി ഷാഫി മാസ്റ്റർ കരുവാരകുണ്ട് കൈമാറി. കഴിഞ്ഞ ഒരു പതിറ്റാണ്ട് കാലം കെ.എം.സി.സി. നേതൃസ്ഥാനത്ത് നിറഞ്ഞ് നിന്നിരുന്ന അദ്ദേഹം വിവിധ പ്രാദേശിക കൂട്ടായ്മകളുടെയും മുഖ്യ സംഘാടകനായിരുന്നു.

    യാത്രയയപ്പ് സംഗമത്തിൽ സഊദി കെ.എം.സി.സി. ദേശീയ സെക്രട്ടേറിയറ്റ് അംഗങ്ങളായ കോയാമു ഹാജി, ഉസ്മാൻ അലി പാലത്തിങ്ങൽ, ശുഹൈബ് പനങ്ങാങ്ങര, മലപ്പുറം ജില്ലാ ഭാരവാഹികളായ മുഹമ്മദ് വേങ്ങര, അസീസ് വെങ്കിട്ട, ഷൗക്കത്ത് കടമ്പോട്ട്, റഫീഖ് പുല്ലൂർ, ശരീഫ് അരീക്കോട്, ഷാഫി ചിറ്റത്തുപാറ, ഇഖ്ബാൽ തിരൂർ, വണ്ടൂർ മണ്ഡലം നേതാക്കളായ അഹമ്മദ് കുട്ടി മമ്പാട്, റഷീദ് ചോക്കാട്, അഷ്റഫ് കരുവാരകുണ്ട്, അബുട്ടി തുവ്വൂർ, ശിഹാബ് തങ്ങൾ കാളികാവ്, നാസർ മമ്പാട്, ഉസ്മാൻ തെക്കൻ തുടങ്ങിയവർ സംബന്ധിച്ചു.