മലപ്പുറം: കറന്‍സി രഹിത ഇടപാടു വഴിയുള്ള ട്രെയിന്‍ ടിക്കറ്റുകള്‍ക്കു ചാര്‍ജ് ഇളവിന്റെയും സര്‍വിസ് ചാര്‍ജ് ഒഴിവാക്കുന്നതിന്റെയും കാലാവധി റെയില്‍വേ നീട്ടി.
ഭിം ആപ് ഉള്‍പ്പെടെ യൂനിഫൈഡ് പെയ്‌മെന്റ് ഇന്റര്‍ഫേസ് വഴി പണം നല്‍കി എടുക്കുന്ന 100 രൂപക്കും അതിനു മുകളിലുമുള്ള റിസര്‍വ് ചെയ്ത ടിക്കറ്റുകള്‍ക്കു അഞ്ചു ശതമാനം ഇളവു നല്‍കുന്നത് 2019 ജൂണ്‍ 13 വരെ തുടരും. ഡെബിറ്റ്, ക്രെഡിറ്റ് കാര്‍ഡ് ഉപയോഗിച്ച് എടുക്കുന്ന സബര്‍ബന്‍ ട്രെയിനുകളുടെ സീസണ്‍ ടിക്കറ്റിനുള്ള അരശതമാനം ഇളവ് 2019 മാര്‍ച്ച് 31 വരെയും ഇ-ടിക്കറ്റുകള്‍ക്കും ഐ-ടിക്കറ്റുകള്‍ക്കും സര്‍വിസ് ചാര്‍ജ് ഒഴിവാക്കുന്നതും 2019 മാര്‍ച്ച് 31 വരെ തുടരും.