ജനപ്രിയ മെസേജിങ് ആപ്പായ വാട്‌സാപ്പില്‍ കോളിങ് പ്രശ്‌നമുള്ളതായി പരാതി ഉയരുന്നുണ്ട്. പുതിയ വേര്‍ഷന്റെ ബീറ്റാ ഉപയോക്താക്കള്‍ക്കാണ് ഈ പ്രശ്‌നം നേരിടുന്നത്. ബീറ്റാ വേര്‍ഷന്‍ അപ്‌ഡേറ്റ് ചെയ്തവര്‍ക്കു മാത്രമാണ് നിലവില്‍ കോളിങ് പ്രശ്‌നമുള്ളത്.

പുതിയ വേര്‍ഷനുകളുടെ പരീക്ഷണത്തിനു വേണ്ടി ചില ഉപയോക്താക്കള്‍ക്കു മാത്രം അനുവദിക്കുന്നതാണ് ബീറ്റാ വേര്‍ഷന്‍. വാട്‌സ്ആപ്പിന്റെ പുതിയ വേര്‍ഷനായ 2.19.167 ന്റെ ബീറ്റാ വേര്‍ഷന്‍ ലഭ്യമായിട്ടുണ്ട്. ഇത് അപ്‌ഡേറ്റ് ചെയ്തവര്‍ക്കാണ് കോളിങ് പ്രശ്‌നം നേരിടുന്നത്. കോളിങ് തീരെ ചെയ്യാനാവാത്ത സ്ഥിതിയാണ് പലര്‍ക്കും.

ഓണ്‍ലൈന്‍ പോര്‍ട്ടലാണ് ഡബ്യു.എ ബീറ്റാന്‍ ഇന്‍ഫോയും ഇക്കാര്യം സ്ഥിരീകരിച്ചിട്ടുണ്ട്.

ചിലര്‍ക്കാവട്ടേ, ഇയര്‍ഫോണുമായി ഫോണ്‍ ബന്ധിപ്പിച്ചാല്‍ മാത്രമേ കോളിങ് സാധ്യമാവുന്നുള്ളൂ. കണക്ട് ചെയ്താലും കോളിങ് സൗകര്യം ലഭിക്കാത്തവരുമുണ്ട്. പരാതി ഉയര്‍ന്നതോടെ പ്രശ്‌നം പരിഹരിച്ചിട്ടുണ്ടെന്നും ഇപ്പോള്‍ സുഗമമായി ഉപയോഗിക്കാനാവുമെന്നാണ് വാട്‌സ്ആപ്പിന്റെ വിശദീകരണം.

എന്തായാലും ഈ പ്രശ്‌നങ്ങളൊക്കെ പരിഹരിച്ചാവും സാധാരണ ഉപയോക്താക്കള്‍ക്ക് വാട്‌സ്ആപ്പിന്റെ പുതിയ വേര്‍ഷന്‍ ലഭ്യമാവുകയുള്ളൂ.