കൊച്ചി: നാലാമത് രാജേഷ് കുമാര്‍ കെ.കെ മെമ്മോറിയല്‍ അവാര്‍ഡിന് ചലച്ചിത്രസംവിധായകനും ഛായാഗ്രാഹകനുമായ രാജീവ് രവിയെ തിരഞ്ഞെടുത്തു. 28ന് വൈകിട്ട് അഞ്ചിന് അങ്കമാലി സി.എസ്.എ ഓഡിറ്റോറിയത്തില്‍ നടക്കുന്ന അനുസ്മരണ സമ്മേളനത്തില്‍ ചലച്ചിത്രസംവിധായകന്‍ സിബി മലയില്‍ അവാര്‍ഡ് സമ്മാനിക്കും. 25,000 രൂപയും ട്രോഫിയും അടങ്ങുന്നതാണ് അവാര്‍ഡ്. ടെക്‌നോസിന്റെ സ്ഥാപക ചെയര്‍മാനും കോഴിക്കോട് എന്‍.ഐ.ടി യിലെ വിദ്യാര്‍ഥി പാര്‍ലമെന്റിന്റെ പ്രഥമ സെക്രട്ടറി ജനറലുമായിരുന്ന രാജേഷ് കുമാറിന്റെ സ്മരണക്കായി രാജേഷ് കുമാര്‍ മെമ്മോറിയല്‍ ട്രസ്റ്റാണ് അവാര്‍ഡ് ഏര്‍പ്പെടുത്തിയത്. വാര്‍ത്താസമ്മേളനത്തില്‍ പി.രാജീവ്, കെ.ടി ഹരിദാസ്, ഡോ.മാത്യു വര്‍ഗീസ്, രതീഷ്‌കുമാര്‍ കെ.മാണിക്യമംഗലം പങ്കെടുത്തു.