പ്രയാഗ്‌രാജ് (അലഹബാദ്): അയോധ്യ ഭീകരാക്രമണ കേസില്‍ നാലു പേര്‍ക്ക് ജീവപര്യന്തം തടവുശിക്ഷ. ഒരാളെ വെറുതെ വിട്ടു. അലഹബാദ് പ്രത്യേക കോടതിയാണ് വിധി പറഞ്ഞത്. എല്ലാവര്‍ക്കും കൂടി 2.4 ലക്ഷം രൂപ പിഴയും ചുമത്തി.

2005 ലുണ്ടായ ആക്രമണത്തില്‍ ഭീകരസംഘടനയായ ജയ്‌ഷെ മുഹമ്മദിന്റെ അഞ്ചു പേരും പ്രദേശവാസികളായ രണ്ടു പേരും കൊല്ലപ്പെട്ടിരുന്നു. ഏഴ് സി.ആര്‍.പി.എഫ് ജവാന്മാര്‍ക്ക് പരുക്കേറ്റിരുന്നു.

ആക്രമണവുമായി ബന്ധപ്പെട്ട് ഇര്‍ഫാന്‍, ആഷിഖ് ഇക്ബാല്‍, ഷക്കീല്‍ അഹമ്മദ്, മുഹമ്മദ് നസീം, മുഹമ്മദ് അസീസ് എന്നിവരെ ഉത്തര്‍പ്രദേശ് പൊലിസ് അറസ്റ്റ് ചെയ്തിരുന്നു. അലഹബാദിലെ നെയ്‌നി ജയിലിലായിരുന്നു അഞ്ചു പേരെയും പാര്‍പ്പിച്ചിരുന്നത്. യു.പി സഹരന്‍പൂര്‍ ജില്ലയാണ് ഡോ. ഇര്‍ഫാന്റെ സ്വദേശം. മറ്റു നാലുപേരും ജമ്മുവിലെ പൂഞ്ച് സ്വദേശികളാണ്. മുഹമ്മദ് അസീസിനെയാണ് വെറുതെ വിട്ടത്.