മലപ്പുറം: മുഖ്യമന്ത്രിയുടെ ദുരിതാശ്വാസ നിധിയിലേക്ക് ജില്ലയില്‍ നിന്നും ഇന്നലെ വരെ സമാഹരിച്ചത് 11,24,56,795 രൂപ. നാലു ദിവസങ്ങളിലായി നടന്ന ധനസമാഹരണ ക്യാംപുകളില്‍ സംഭാവനയായി ലഭിച്ചത് 6,73,72,349 രൂപയാണ്. സംഘടനകളും വ്യക്തികളും ചേര്‍ന്ന് കലക്ടര്‍ക്ക് നേരിട്ട് കൈമാറിയതും കലക്ടറേറ്റില്‍ നടത്തിയ ക്യാംപിലുടെ ലഭിച്ച തുകയും ചേര്‍ത്ത് 4,50,84,446 രൂപയും ജില്ലയില്‍ നിന്നും ദുരിതാശ്വാസ നിധിയിലേക്കെത്തി.
ധനസമാഹരണ ക്യാംപിലൂടെ ഏറനാട് താലൂക്കില്‍ നിന്നും 18,41,231 രൂപയും കൊണ്ടോട്ടി താലൂക്കില്‍നിന്ന് 74,24,179 രൂപയും പെരിന്തല്‍മണ്ണയില്‍ നിന്ന് 1,40,70,703 രൂപയും പൊന്നാനിയില്‍നിന്ന് 1,29,14,926 രൂപയും തിരൂരില്‍നിന്ന് 1,57,45,141 രൂപയും തിരൂരങ്ങാടിയില്‍നിന്ന് 78,74,485 രൂപയുമാണ് ധനസമാഹരണ കാംപയിനിലൂടെ സമാഹരിച്ചത്.