ബംഗലൂരു: കര്‍ണാടക കോണ്‍ഗ്രസ് സംസ്ഥാന കമ്മിറ്റി പിരിച്ചുവിട്ടു. സംസ്ഥാനത്തിന്റെ സംഘടനാ ചുമതല വഹിക്കുന്ന എ.ഐ.സി.സി ജന. സെക്രട്ടറി കെ.സി വേണുഗോപാലാണ് നടപടി സംബന്ധിച്ച വാര്‍ത്താകുറിപ്പിറക്കിയത്. കൂട്ടുകക്ഷി സര്‍ക്കാരിലുണ്ടാകുന്ന ഭിന്നിപ്പും കഴിഞ്ഞ ലോക്‌സഭാ തെരഞ്ഞെടുപ്പിലുണ്ടായ ദയനീയ പരാജയവും മുന്‍നിര്‍ത്തിയാണ് പി.സി.സിയെ പുന:സംഘടിപ്പിക്കാനുള്ള നടപടിയിലേക്ക് നീങ്ങിയതെന്ന് കരുതുന്നു. കമ്മിറ്റി പ്രസിഡന്റ് ദിനേശ് ഗുണ്ടു റാവു, വര്‍ക്കിങ് പ്രസിഡന്റ് ഈശ്വര്‍ കന്ദ്രെ എന്നിവര്‍ തല്‍സ്ഥാനത്ത് തുടരും.