ക്വലാലംപൂര്‍: മലേഷ്യന്‍ മുന്‍ പ്രധാനമന്ത്രി നജീബ് റസാഖിനെ അഴിമതി കേസില്‍ അറസ്റ്റ് ചെയ്തു. 1 എം.ഡി.ബി പദ്ധതിയുമായി ബന്ധപ്പെട്ട് 628 കോടി ഡോളറിന്റെ അഴിമതി കേസിലാണ് അറസ്റ്റ്.
1 എം.ഡി.ബി പദ്ധതിയുമായി ബന്ധപ്പെട്ടുള്ള വിദേശ നിക്ഷേപം സ്വന്തം അക്കൗണ്ടിലേക്ക് മാറ്റിയതിലെ അന്വേഷണ ഭാഗമായിട്ടാണ് നജീബിനെ അറസ്റ്റ് ചെയ്തതെന്ന് മലേഷ്യന്‍ അഴിമതി വിരുദ്ധ കമ്മിഷന്‍ പറഞ്ഞു. ഇന്ന് ഉച്ചക്ക് ശേഷം നജീബിനെ കോടതിയില്‍ ഹാജരാക്കുമെന്ന് കമ്മിഷന്‍ പറഞ്ഞു. കേസുമായി ബന്ധപ്പെട്ട് നേരത്തെ നജീബിനെ അറസ്റ്റ് ചെയ്‌തെങ്കിലും കുറ്റക്കാരനല്ലെന്ന് കോടതിയില്‍ അഭ്യര്‍ഥിച്ചതോടെ വിട്ടയക്കുകയായിരുന്നു.