യുനൈറ്റഡ് നാഷന്‍സ്: തീവ്രവാദികള്‍ക്ക് സുരക്ഷിതത്വവും പിന്തുണയും ഒരുക്കരുതെന്ന് ഇന്ത്യ യു.എന്നില്‍ ആവശ്യപ്പെട്ടു.
തീവ്രവാദ പ്രവര്‍ത്തനങ്ങള്‍ക്കും ആക്രമണങ്ങള്‍ക്കും സുരക്ഷിത സ്ഥലം ഒരുക്കുകയും പിന്തുണക്കുകയും ചെയ്യുന്നതിനെ അവഗണിക്കാനാവില്ലെന്ന് യു.എന്നിലെ ഇന്ത്യന്‍ അംബാസിഡര്‍ സയ്യദ് അക്ബറുദ്ധീന്‍ പറഞ്ഞു. സുഗകരമായ സ്ഥലങ്ങളില്‍ ചര്‍ച്ചകള്‍ നടത്താന്‍ തീവ്രവാദികളെ അനുവദിക്കരുത്. താലിബാന്‍, ഹഖാനി ശൃഖല, ഐ.എസ്, അല്‍ ഖാഇദ, ലഷ്‌കറെ ത്വയ്ബ തുടങ്ങിയ തീവ്രവാദികളുടെ പ്രവര്‍ത്തനങ്ങള്‍ അവസാനിപ്പിക്കണം. അഫ്ഗാനിസ്ഥാനില്‍ തീവ്രവാദ പ്രവര്‍ത്തനം നടത്തുന്ന സംഘടനകള്‍ അവര്‍ക്കുള്ള പിന്തുണയിലും സുരക്ഷിതത്വത്തിലും സന്തുഷ്ടരാണെന്നും അതിര്‍ത്തികളില്‍ നിന്നാണ് (പാകിസ്താന്‍)ഇവര്‍ക്ക് ആവശ്യമായ പിന്തുണ ലഭിക്കുന്നതെന്നും അദ്ദേഹം കുറ്റപ്പെടുത്തി.