കൊച്ചി: മഹാരാജാസ് കോളജ് വിദ്യാര്‍ഥി അഭിമന്യുവിനെ കൊലപ്പെടുത്തിയ കേസില്‍ കാംപസ് ഫ്രണ്ട് ജില്ലാ സെക്രട്ടറി കീഴടങ്ങി. കാംപസ് ഫ്രണ്ട് കൊച്ചി ജില്ലാ സെക്രട്ടറി ആലുവ പെരുമ്പാവൂര്‍ സ്വദേശി ആരിഫ് ബിന്‍ സലിമാണ് കീഴടങ്ങിയത്.
മഹാരാജാസ് കോളജിലേക്ക് അക്രമികളെ സംഘടിപ്പിച്ച് എത്തിച്ചത് സലിമാണെന്ന് പൊലിസ് അന്വേഷണത്തില്‍ തെളിഞ്ഞിരുന്നു. ഇയാള്‍ ഉള്‍പ്പെടെ കേസിലെ എട്ടു പ്രധാന പ്രതികള്‍ക്കെതിരേ പൊലിസ് കഴിഞ്ഞ ദിവസം തിരച്ചില്‍ നോട്ടിസ് പുറത്തിറക്കിയിരുന്നു.
സലിമിനെ അറസ്റ്റ് ചെയ്തതോടെ കേസില്‍ നേരിട്ടു പങ്കെടുത്ത 16 പ്രതികളില്‍ ഒന്‍പതു പേര്‍ കസ്റ്റഡിയിലായി.