കരുനാഗപ്പള്ളി: സ്‌കൂള്‍ വിദ്യാര്‍ഥിനികളെ നിരന്തരമായി ശല്യം ചെയ്ത കേസില്‍ രണ്ടുപേര്‍ പിടിയില്‍. തൊടിയൂര്‍ മഹാദേവര്‍ കോളനിയില്‍ ശ്യാം(20), വിഷ്ണു (22) എന്നിവരാണ് അറസ്റ്റിലായത്.
തൊടിയൂര്‍ കല്ലേലിഭാഗത്തെ സ്‌കൂളിന് സമീപം ആളൊഴിഞ്ഞ വഴികള്‍ കേന്ദ്രീകരിച്ച് പെണ്‍കുട്ടികളെ നിരന്തരമായി ശല്യം ചെയ്തു വരുന്നതായി പരാതി ലഭിച്ചതിനെ തുടര്‍ന്ന് പൊലിസ് നിരീക്ഷണം നടത്തിവരുകയായിരുന്നു.
കഴിഞ്ഞ 15 ന് പ്രായപൂര്‍ത്തിയാകാത്ത പെണ്‍കുട്ടിയെ കടന്നാക്രമിക്കാന്‍ ശ്രമിച്ച കേസിലാണ് കരുനാഗപ്പള്ളി എസ്.ഐ ബി. മഹേഷ്പിള്ളയുടെ നേതൃത്വത്തില്‍ പ്രതികളെ പിടികൂടിയത്. പ്രത്യേകതരം ബൈക്കില്‍ കറങ്ങി നടന്നാണ് പ്രതികള്‍ പെണ്‍കുട്ടികളെ ശല്യം ചെയ്തിരുന്നതെന്ന് പൊലിസ് പറഞ്ഞു.
ഷാഡോ പൊലിസിന്റെ നേതൃത്വത്തില്‍ സ്‌കൂളിന് സമീപത്ത് നിന്നും പ്രതികളെ പിടികൂടുകയായിരുന്നു. പ്രതികള്‍ ഉപയോഗിച്ച ബൈക്കും പൊലിസ് കസ്റ്റഡിയില്‍ എടുത്തു. ഇവര്‍ക്കെതിരേ പോക്‌സോ നിയമപ്രകാരമാണ് കേസെടുത്തത്. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.