ഭോപ്പാല്‍: മധ്യപ്രദേശില്‍ പ്രത്യേക പശുമന്ത്രിസഭ (കൗ കാബിനറ്റ്) രൂപീകരിക്കുമെന്ന് മുഖ്യമന്ത്രി ശിവരാജ് സിങ് ചൗഹാന്‍ അറിയിച്ചു. സംസ്ഥാനത്തെ കന്നുകാലികളുടെ സംരക്ഷണവും വികസനവും മുന്‍നിര്‍ത്തിയാണ് അവര്‍ക്കു വേണ്ടി പ്രത്യേക മന്ത്രിസഭ രൂപീകരിക്കുന്നതെന്നും മുഖ്യമന്ത്രി പറഞ്ഞു.
കന്നുകാലിവളര്‍ത്തല്‍, വനം, പഞ്ചായത്ത് ഗ്രാമീണ വികസനം, റവന്യൂ, കൃഷി വികസന വകുപ്പുകള്‍ തുടങ്ങിയവ 'കൗ കാബിനറ്റി'ല്‍ ഉള്‍പ്പെടുത്തും. പശു മന്ത്രിസഭയുടെ ആദ്യയോഗം ഈ മാസം 22ന് ചേരും. രാജ്യത്ത് പശുക്കള്‍ക്കു വേണ്ടി മാത്രമായി നിര്‍മിച്ച ആദ്യ അഭയകേന്ദ്രമായ അഗര്‍മല്‍വ ജില്ലയിലെ ഗോശാലയിലായിരിക്കും മന്ത്രിസഭയുടെ പ്രഥമ യോഗം.