ന്യൂഡല്‍ഹി: കഴിഞ്ഞ 24 മണിക്കൂറിനിടെ 45,882 പുതിയ കേസുകള്‍ കൂടി റിപ്പോര്‍ട്ട് ചെയ്യപ്പട്ടതോടെ രാജ്യത്ത് കൊവിഡ് ബാധിതരുടെ എണ്ണം 90 ലക്ഷം പിന്നിട്ടു. ഇതുവരെ 90,04,365 പേര്‍ക്ക് കൊവിഡ് സ്ഥിരീകരിച്ചതായാണ് കേന്ദ്ര ആരോഗ്യ മന്ത്രാലയത്തിന്റെ ഔദ്യോഗിക കണക്ക്. കഴിഞ്ഞദിവസം 584 പേര്‍ കൂടി മരിച്ചതോടെ ആകെ മരണം 1,32,162 ആയി ഉയര്‍ന്നു. രാജ്യത്ത് നിലവില്‍ 4,43,794 പേരാണ് കൊവിഡ് ബാധിച്ച് ചികിത്സയില്‍ കഴിയുന്നത്. ഇതുവരെ 84.28 ലക്ഷം പേര്‍ കൊവിഡ് മുക്തി നേടി. രാജ്യത്ത് 93.6 ശതമാനമാണ് റിക്കവറി നിരക്ക്.

ഏറ്റവും കൂടുതല്‍ കേസുകള്‍ റിപ്പോര്‍ട്ട് ചെയ്യപ്പട്ടത് മഹാരാഷ്ട്രയിലാണ്. വ്യാഴാഴ്ച 5,535 പുതിയ കേസുകള്‍ റിപ്പോര്‍ട്ട് ചെയ്ത സംസ്ഥാനത്ത് ഇതുവരെ 17,63,055 പേര്‍ക്കാണ് കൊവിഡ് സ്ഥിരീകരിച്ചു. കര്‍ണാടക, ആന്ധ്രപ്രദേശ്, തമിഴ്‌നാട്, കേരളം എന്നീ സംസ്ഥാനങ്ങളിലാണ് ഇന്നലെ ഏറ്റവും കൂടുതല്‍ കൊവിഡ് കേസുകള്‍ റിപ്പോര്‍ട്ട് ചെയ്തത്.

ഡല്‍ഹിയില്‍ കൊവിഡ് കേസുകള്‍ വര്‍ധിക്കുന്നതില്‍ ഹൈക്കോടതി കഴിഞ്ഞദിവസം സംസ്ഥാന സര്‍ക്കാരിനെ രൂക്ഷമായി വിമര്‍ശിക്കുകയും തുടര്‍ന്ന് മാസ്‌ക് ധരിക്കാത്തവര്‍ക്കുള്ള പിഴ 500ല്‍ നിന്ന് 2000 ആയി ഉയര്‍ത്തുകയും ചെയ്തിരുന്നു.

തെലങ്കാനയില്‍ വീണ്ടും കൊവിഡ് വ്യാപനം രൂക്ഷമായതിനെത്തുടര്‍ന്ന് ദിനം പ്രതി 50,000 പേര്‍ക്ക് കൊവിഡ് പരിശോധന നടത്താന്‍ തെലങ്കാന ഹൈക്കോടതി സര്‍ക്കാരിനോട് നിര്‍ദേശിച്ചിരുന്നു.
ട് നിര്‍ദേശിച്ചിരുന്നു.