ലണ്ടന്‍: ഡൊണാള്‍ഡ് ട്രംപിനെ യു.എസ് പ്രസിഡന്റാകാന്‍ സഹായിച്ചതിന് ട്വിറ്റര്‍ മുന്‍ സി.ഇ.ഒയും ഉപ സ്ഥാപകനുമായ ഇവാന്‍ വില്യംസ് മാപ്പു പറഞ്ഞു. തന്റെ തെരഞ്ഞെടുപ്പ് വിജയത്തിന് ട്വിറ്റര്‍ മുഖ്യപങ്ക് വഹിച്ചതായി ട്രംപ് പറഞ്ഞിരുന്നു. ന്യൂയോര്‍ക്ക് ടൈംസിന് നല്‍കിയ അഭിമുഖത്തിലാണ് ട്രംപിനെ വിജയിപ്പിക്കാന്‍ നടത്തിയ പ്രചാരണത്തില്‍ ട്വിറ്റര്‍ ഖേദം പ്രകടിപ്പിച്ചത്.
അത് വളരെ മോശം പ്രവൃത്തിയായിരുന്നുവെന്നാണ് ട്വിറ്ററിന്റെ പങ്കിനെ കുറിച്ച് വില്യം പറയുന്നത്. ഒരു പക്ഷേ ട്വിറ്ററിന്റെ സഹായമില്ലായിരുന്നെങ്കില്‍ ട്രംപ് പ്രസിഡന്റാകുമായിരുന്നില്ല. അങ്ങനെ സംഭവിച്ചതില്‍ താന്‍ മാപ്പുചോദിക്കുന്നു. വില്യം പറഞ്ഞു.
3 കോടി പേരാണ് ട്രംപിനെ ട്വിറ്ററില്‍ പിന്തുടരുന്നത്. വൈറ്റ്ഹൗസിലെത്തിയതോടെ ട്രംപിന്റെ അക്കൗണ്ടില്‍ 1.7 കോടി പേര്‍ കൂടി പങ്കുചേര്‍ന്നു.
ട്രംപിനെ പിന്തുണയ്ക്കുകയും ഹിലരിയോട് അകലം പുലര്‍ത്തുകയും ചെയ്യുന്ന നിലപാടാണ് ട്വിറ്റര്‍ പിന്തുടര്‍ന്നത്.