കൊച്ചി: നടന്‍ കലാഭവന്‍ മണിയുടെ അസ്വാഭാവിക മരണം സംബന്ധിച്ച കേസില്‍ സി.ബി.ഐ പ്രാഥമികാന്വേഷണം പൂര്‍ത്തിയാക്കി. പൊലിസ് അന്വേഷണ റിപ്പോര്‍ട്ടില്‍ സ്വാഭാവിക മരണമാണെന്നാണ് കണ്ടെത്തിയിരുന്നത്. ഇതേറിപ്പോര്‍ട്ടില്‍നിന്നാണ് അന്വേഷണം ആരംഭിച്ചത്. ലോക്കല്‍ പൊലിസ് രജിസ്റ്റര്‍ ചെയ്തിരുന്ന അതേ എഫ്.ഐ.ആറാണ് കേസന്വേഷണത്തിനു മേല്‍നോട്ടം വഹിക്കുന്ന എറണാകുളം ചീഫ് ജുഡിഷ്യല്‍ മജിസ്‌ട്രേറ്റ് കോടതിയില്‍ സി.ബി.ഐ തിരുവനന്തപുരം യൂനിറ്റ് സമര്‍പ്പിച്ചത്.
ഇതുവരെ കേസ് അന്വേഷിച്ച ചാലക്കുടി പൊലിസിന്റെ പക്കലുള്ള മുഴുവന്‍ വിവരങ്ങളും അന്വേഷണത്തിന്റെ ആദ്യപടിയായി സി.ബി.ഐ ശേഖരിച്ച ശേഷമാണ് അന്വേഷണം ആരംഭിച്ചത്. ബന്ധുക്കള്‍ നല്‍കിയ ഹരജി പരിഗണിച്ചാണു ഹൈക്കോടതി സി.ബി.ഐ അന്വേഷണത്തിന് ഉത്തരവിട്ടത്.