കാസര്‍കോട്: 'ഖുര്‍ആന്‍ സുകൃതങ്ങളുടെ വചനപ്പൊരുള്‍' എന്ന പ്രമേയത്തില്‍ എസ്.കെ.എസ്.എസ്.എഫ് സംസ്ഥാന വ്യാപകമായി നടത്തുന്ന റമദാന്‍ കാംപയിന്റെ ജില്ലാതല ഉദ്ഘാടനം മഞ്ചേശ്വരം കജയില്‍ പാത്തൂര്‍ അഹ്മദ് മുസ്‌ലിയാര്‍ ഉദ്ഘാടനം ചെയ്തു. ജില്ലാ പ്രസിഡന്റ് താജുദ്ധീന്‍ ദാരിമി അധ്യക്ഷനായി.
സംസ്ഥാന വൈസ് പ്രസിഡന്റ് ഇബ്രാഹിം ഫൈസി ജെഡിയാര്‍ കാംപയിന്‍ പദ്ധതി വിശദീകരിച്ചു. മുഹ്‌യിദ്ധീന്‍ അസ്ഹരി പ്രമേയ പ്രഭാഷണം നടത്തി. സയ്യിദ് ഉമറുല്‍ ഫാറൂഖ് തങ്ങള്‍ സമാപന കൂട്ടുപ്രാര്‍ഥനക്കു നേത്യത്വം നല്‍കി.
ജില്ലാ സെക്രട്ടറിയേറ്റ് അംഗം മുഹമ്മദ് ഫൈസി കജ, ഇസ്മായില്‍ മച്ചംപാടി, ഇബ്രാഹിം, യഅയൂബ് ബാഖവി, ഹാരിസ് ബദ്രി, ഇബ്രാഹിം മുസ്‌ലിയാര്‍, അബ്ദുല്ല മുസ്‌ലിയാര്‍, അബൂബക്കര്‍ സിദ്ധീഖ്, സാബിര്‍, അബ്ദുല്‍ ലത്വീഫ് ,അഹ്മദ് കുഞ്ഞി സംബന്ധിച്ചു. ഖുര്‍ആന്‍ മെഗാ ക്വിസ് മത്സരം. ഖുര്‍ആന്‍ പാരായണ പരിശീലനം, മൗലിദ് സദസ്സ്, ഇഹ്തികാഫ് ജല്‍സ, ഖതമുല്‍ ഖുര്‍ആന്‍ സദസ്, മതപഠനക്ലാസ്, റമദാന്‍ പ്രഭാഷണം, സകാത്ത് സെമിനാര്‍, ഇഫ്താര്‍ മീറ്റ് തുടങ്ങിയവ കാംപയിന്റെ ഭാഗമായി ശാഖ, ക്ലസ്റ്റര്‍, മേഖല, ജില്ലാ തലങ്ങളില്‍ നടക്കും.