സുല്‍ത്താന്‍ ബത്തേരി: ലഹരി ഗുളികകളുമായി മുത്തങ്ങയില്‍ രണ്ടു യുവാക്കള്‍ അറസ്റ്റില്‍. കോഴിക്കോട് സ്വദേശികളായ മഷൂദ് (26), നൈജല്‍ റിറ്റ്‌സ്(26) എന്നിവരാണ് അറസ്റ്റിലായത്. മൈസൂരുവില്‍നിന്ന് കോഴിക്കോട്ടേക്ക് പോകുകയായിരുന്ന കെ.എസ്.ആര്‍.ടി.സി ബസില്‍ നിന്നാണ് വാഹന പരിശോധനക്കിടെ ഇരുവരെയും ട്രെമഡോള്‍ എന്ന ഗുളികകളുമായി മുത്തങ്ങ എക്‌സൈസ് ചെക്ക്‌പോസ്റ്റ് അധികൃതര്‍ പിടികൂടിയത്.
775 ട്രമഡോള്‍ ഗുളികകള്‍ കെണ്ടടുത്തു. എന്‍.ഡി.പി.എസ് ആക്ട് പ്രകാരം കേസെടുത്ത് പ്രതികളെ കോടതിയില്‍ ഹാജരാക്കി.