തിരുവനന്തപുരം: അടുത്ത 10 വര്‍ഷത്തിനകം 1.5 ലക്ഷം കോടിയുടെ നിക്ഷേപമാണ് അടിസ്ഥാനസൗകര്യ വികസനത്തില്‍ പ്രതീക്ഷിക്കുന്നതെന്ന് ധനമന്ത്രി ടി. എം തോമസ് ഐസക്ക്.
നബാര്‍ഡ് സ്ഥാപകദിനം ഉദ്ഘാടനം ചെയ്യുകയായിരുന്നു അദ്ദേഹം. അടിസ്ഥാനസൗകര്യ വികസനത്തിലാണ് കേരളം ഇപ്പോള്‍ ശ്രദ്ധപതിപ്പിക്കുന്നത്. അതിവേഗ റെയില്‍പാതക്ക് കിഫ്ബിയിലൂടെ 50,000 കോടി രൂപയാണ് സമാഹരിക്കുന്നത്. സാമ്പത്തിക പരിഷ്‌കാരം ധനകാര്യ മേഖലയിലേക്ക് കൂടി വ്യാപിപ്പിച്ചു.
കര്‍ഷക ഉല്‍പാദക സംഘങ്ങളെ നബാര്‍ഡ് പോലെയുള്ള സ്ഥാപനങ്ങള്‍ സഹായിക്കുന്നതിലൂടെ വയനാടിന്റെ മുഖച്ഛായ മാറ്റാനാകുമെന്നും മന്ത്രി പറഞ്ഞു. ആര്‍.ബി.ഐ റീജ്യണല്‍ ഡയരക്ടര്‍ എസ്.എം.എന്‍ സ്വാമി, ജി.കെ മായ, ആശിഷ് കുമാര്‍, എസ്. ബി.ഐ ജനറല്‍ മാനേജര്‍ റുമ ഡേ തുടങ്ങിയവര്‍ പങ്കെടുത്തു.