പെരിന്തല്‍മണ്ണ: അപവാദങ്ങളില്‍ അഭിരമിക്കുന്നവരല്ല, നാടിന്റെ വികസന കാര്യങ്ങളില്‍ മുഴുകുന്നവരാണ് തെരഞ്ഞെടുപ്പില്‍ വിജയിക്കുകയെന്ന് സ്പീക്കര്‍ പി. ശ്രീരാമകൃഷ്ണന്‍. നാടിന്റെ വികസനവും ഓരോ പ്രദേശങ്ങളില്‍ നടക്കേണ്ട വികസനവും ഏത് തരത്തില്‍ വേണമെന്ന് തെരഞ്ഞെടുക്കുകയാണ്. അതിനാല്‍ അപവാദങ്ങള്‍ പ്രചരിപ്പിക്കുന്നവര്‍ വിജയിക്കില്ല. ആരോപണങ്ങള്‍ എത്രത്തോളം ശരിയാണെന്ന് പൊതുസമൂഹം വിലയിരുത്തട്ടേയെന്നും സ്പീക്കര്‍ പറഞ്ഞു. വോട്ട് രേഖപ്പെടുത്തിയ ശേഷം മാധ്യമങ്ങളോട് പ്രതികരിക്കുകയായിരുന്നു സ്പീക്കര്‍.

സര്‍ക്കാരിനും തനിക്കുമെതിരായി ഉയരുന്ന ആരോപണങ്ങള്‍ പൊതുസമൂഹം വിലയിരുത്തട്ടെ. നിയമപരമായ നടപടികളെ കുറിച്ച് ആലോചിക്കും. കോടതിയുടെ പരിഗണനയിലുള്ള വിഷയങ്ങള്‍ വളച്ചൊടിക്കുന്നത് ശരിയാണോ എന്ന് ആലോചിക്കണം. ' ശ്രീരാമകൃഷ്ണന്‍ പറഞ്ഞു.