കൊല്ലം: ചെന്നൈ ആസ്ഥാനമായ പ്രൈം പോയിന്റ് ഫൗണ്ടേഷന്റെ മികച്ച പാര്‍ലമെന്ററിയനുളള സ്‌പെ്ഷ്യല്‍ സന്‍സദ് രത്‌നാ അവാര്‍ഡ് ചെന്നൈ ഐ.ഐ.ടിയില്‍ നടന്ന ചടങ്ങില്‍ എന്‍.കെ. പ്രേമചന്ദ്രന്‍ എം.പിക്ക് കേരള ഗവര്‍ണര്‍ ജസ്റ്റീസ് പി സദാശിവം നല്‍കി. ലോകസഭയിലെ മികച്ച പ്രകടനത്തിലുളള അവാര്‍ഡാണ് എന്‍.കെ. പ്രേമചന്ദ്രന്‍ എം.പിക്ക് ലഭിച്ചത്.

ലോകസഭയിലെ ചര്‍ച്ചകള്‍, ചോദ്യങ്ങള്‍, സ്വകാര്യ ബില്ലുകള്‍, സ്വകാര്യ അംഗപ്രമേയങ്ങള്‍, നിയമനിര്‍മ്മാണം തുടങ്ങി വിവിധങ്ങളായ പ്രവര്‍ത്തനങ്ങള്‍ മൊത്തത്തില്‍ വിലയിരുത്തിയതിന്റെ അടിസ്ഥാനത്തില്‍ മുഴുവന്‍ ലോകസഭാംഗങ്ങളുടെയും വിഭാഗത്തില്‍ നിന്നാണ് അവാര്‍ഡിന് അര്‍ഹരായവരെയാണ്  ജൂറി തെരഞ്ഞെടുത്തത്.  

എന്‍.കെ പ്രേമചന്ദ്രന്‍ എം.പി യെ കൂടാതെ ഒഡീഷയിലെ കട്ടക്കിലെ ബിജു ജനതാദള്‍ നേതാവ്  ബര്‍ത്തുഹരി മഹ്താഫ് എം.പിയും പ്രത്യേക ജൂറി അവാര്‍ഡിന് അര്‍ഹനായി. പതിനാറാം ലോകസഭയിലെ 2017 ബഡ്ജറ്റ്‌സെക്ഷന്‍ വരെയുളള പ്രവര്‍ത്തനങ്ങളുടെ അവലോകനത്തിന്റെ അടിസ്ഥാനത്തിലാണ് സെപ്ഷ്യല്‍ ജൂറി അവാര്‍ഡുകള്‍ നിശ്ചയിച്ചത്. 2017ലെ സന്‍സദ് രത്‌നഅവാര്‍ഡിന്  ആദ്യതവണ എം.പി. മാരായവരുടെ വിഭാഗത്തില്‍ നിന്നുംമഹാരാഷ്ട്രയിലെ ഷ്രിരാംഗ് അപ്പാബൊര്‍ണെ, ഹിങ്കോളിയിലെ രാജീവ് ശങ്കരാവുസത്ത്‌വ, കൊല്‍ഹാപൂരിലെ ധനഞ്ജയ് ബീംറാവു മഹാതിക്, മഹാരാഷ്ട്രയിലെ ഡോ:ഹീനവിജയ് കുമാര്‍ ഗൗത്ത് എന്നിവര്‍ക്ക് ലഭിച്ചു.

2016ല്‍ ആറു വര്‍ഷം പൂര്‍ത്തിയാക്കി പിരിഞ്ഞ 58 രാജ്യസഭാ അംഗങ്ങളുടെ വിഭാഗത്തില്‍ നിന്നും സഞ്ജയ് റാവൂത്ത്, കെ.എന്‍. ബാലഗോപാല്‍, ടി.എന്‍ സീമ എന്നിവര്‍ക്കും അവാര്‍ഡ് നല്‍കി.