ആയഞ്ചേരി: കേരളത്തിലെ എല്ലാ വീടുകളും അങ്കണവാടികളും സമ്പൂര്‍ണമായി വൈദ്യുതീകരിക്കുക എന്ന സംസ്ഥാന സര്‍ക്കാരിന്റെ പദ്ദതിയുടെ ഭാഗമായി കുറ്റ്യാടി നിയോജകമണ്ഡലവും സമ്പൂര്‍ണമായി വൈദ്യുതീകരിച്ചതിന്റെ പ്രഖ്യാപനം ആയഞ്ചേരി കമ്മ്യൂണിറ്റി ഹാളില്‍ നടന്നു.
കുറ്റ്യാടി എം.എല്‍.എ പാറക്കല്‍ അബ്ദുല്ല പ്രഖ്യാപനം നടത്തി. ആയഞ്ചേരി പഞ്ചായത്ത് പ്രസിഡന്റ് എം.എം നഷീദ ടീച്ചര്‍ അധ്യക്ഷയായി.
വടകര ഇലക്ട്രിക്കല്‍ ഡിവിഷന്‍ എക്‌സി. എഞ്ചിനീയര്‍ പ്രമീള ഇ.കെ റിപ്പോര്‍ട്ട് അവതരിപ്പിച്ചു. വേളം പഞ്ചായത്ത് പ്രസി. വി.കെ. അബ്ദുല്ല, കുന്നുമ്മല്‍ പഞ്ചായത്ത് പ്രസി. കെടി രാജന്‍, ജില്ലാ പഞ്ചായത്ത് സ്റ്റാന്റിങ് കമ്മിറ്റി ചെയര്‍ പേഴ്‌സണ്‍ സജിത, കടമേരി ബാലകൃഷ്ണന്‍, പി.എം ഷിജിത് മാസ്റ്റര്‍, നൊച്ചാട്ട് കുഞ്ഞബ്ദുല്ല, രൂപ കേളോത്ത്, തേറത്ത് കുഞ്ഞികൃഷ്ണന്‍ നമ്പ്യാര്‍, ബാബു കുളങ്ങരത്ത്, റസിയ വെളളിലാട്ട്, കൗല ഗഫൂര്‍ സി.കെ, കിളയമ്മല്‍ കുഞ്ഞബ്ദുല്ല, കെ സോമന്‍, സി.വി കുഞ്ഞിരാമന്‍ മാസ്റ്റര്‍, കെ.കെ നാരായണന്‍ മാസ്റ്റര്‍, ഭരതന്‍ മാസ്റ്റര്‍, കുനിയില്‍ മോഹന്‍, അണിയോത്ത് മുകുന്ദന്‍ ആശംസകള്‍ നേര്‍ന്നു.
വടകര ഇലക്ട്രിക്കല്‍ ഡിവിഷന്‍ ഡപ്യൂട്ടി ചീഫ് എഞ്ചിനീയര്‍ രാജ്കുമാര്‍ സ്വാഗതവും അസിസ്റ്റന്റ് എഞ്ചിനീയര്‍ മുഹമ്മദ് കെ.കെ നന്ദിയും പറഞ്ഞു.