ലണ്ടന്‍: ഹഡേഴ്‌സ്ഫീല്‍ഡ് ടൗണിന് ഇംഗ്ലീഷ് പ്രീമിയര്‍ ലീഗിലേക്ക് സ്ഥാനക്കയറ്റം. നിര്‍ണായകമായ മത്സരത്തില്‍ റീഡിങിനോട് സമനില വഴങ്ങിയെങ്കിലും ഷൂട്ടൗട്ടില്‍ 4-3ന്റെ ഉജ്ജ്വല ജയം സ്വന്തമാക്കിയാണ് ഹഡേഴ്‌സ്ഫീല്‍ഡ് പ്രീമിയര്‍ ലീഗ് യോഗ്യത സ്വന്തമാക്കിയത്.
ചാംപ്യന്‍ഷിപ്പ് പ്ലേ ഓഫ് ഫൈനലില്‍ ക്രിസ്റ്റഫര്‍ ഷിന്‍ഡിലറാണ് ഹഡേഴ്‌സിന്റെ നിര്‍ണായക പെനാല്‍ട്ടി ലക്ഷ്യത്തിലെത്തിച്ചത്.
45 വര്‍ഷത്തിനിടെ ആദ്യമായിട്ടാണ് ടീം പ്രീമിയര്‍ ലീഗില്‍ കളിക്കാനൊരുങ്ങുന്നത്. ഷൂട്ടൗട്ട് ജയത്തോടെ 170 മില്യണിന്റെ നേട്ടം ക്ലബിന് സ്വന്തമാവും. അടുത്ത സീസണില്‍ തരംതാഴ്ത്തല്‍ ഒഴിവാക്കിയാല്‍ ക്ലബിന് കൂടുതല്‍ നേട്ടം സ്വന്തമാക്കാം.