പെരുമ്പള: രണ്ടേക്കര്‍ തരിശുനിലത്ത് നെല്‍കൃഷിയില്‍ നൂറുമേനി വിളയിച്ച് ഇടത് യുവജന സംഘടന. എ.ഐ.വൈ.എഫ് 60ാം സ്ഥാപക ദിനത്തോടനുബന്ധിച്ചാണ് പെരുമ്പള കണിയാലം പാടത്ത് നെല്‍കൃഷിയിറക്കിയത്. റവന്യു മന്ത്രി ഇ. ചന്ദ്രശേഖരന്റെ സാന്നിധ്യത്തില്‍ നെല്‍കൃഷിയുടെ വിളവെടുപ്പ് കഴിഞ്ഞ ദിവസം നടത്തി.
നാട്ടുകൂട്ടത്തിന്റെ സഹകരണത്തോടെ നടത്തിയ വിളവെടുപ്പിന് എ.ഐ.വൈ.എഫ് മണ്ഡലം വൈസ് പ്രസിഡന്റ് സുനില്‍ കുമാര്‍ അടുക്കത്ത്ബയല്‍, സംഘാടകസമിതി ചെയര്‍മാന്‍ കെ. കൃഷ്ണന്‍, സി.പി.ഐ സംസ്ഥാന കമ്മിറ്റിയംഗം ടി. കൃഷ്ണന്‍, എ.ഐ.വൈ.എഫ് ജില്ലാ പ്രസിഡന്റ് ബിജു ഉണ്ണിത്താന്‍, നാരായണന്‍ നായന്മാര്‍മൂല, തുളസീധരന്‍ വാണലം, മായാ കരുണാകരന്‍, രേണുകാ ഭാസ്‌കര്‍, അനിതാരാജ് നേതൃത്വം നല്‍കി.