പാലക്കാട്: സമസ്ത പാലക്കാട് ജില്ലാസമ്മേളനം 2019 ഫെബ്രുവരി 7,8,9,10 വ്യാഴം,വെള്ളി,ശനി,ഞായര്‍ തിയതികളിലായി നടത്തുവാന്‍ സമസ്ത ജില്ലാ കോഡിനേഷന്‍ കമ്മിറ്റി യോഗം തീരുമാനിച്ചു.
' സത്യം, സഹനം, സമാധാനം ' എന്നതാണ് സമ്മേളന പ്രമേയം.നേരത്തെ 2018 ഡിസംബര്‍ 28,29,30 തിയ്യതികളില്‍ സമ്മേളനം നടത്താന്‍ നിശ്ചയിച്ചതായിരുന്നെങ്കിലും മഴ കെടുതി മൂലം ഉണ്ടായ പ്രയാസങ്ങളാണ് തിയ്യതി മാറ്റാന്‍ പ്രേരിതമായത്.
സമ്മേളന പ്രവര്‍ത്തനങ്ങള്‍ക്ക് രൂപം നല്‍കുന്നതിനായി ഒക്‌ടോബര്‍ 20 ന് ശനിയാഴ്ച ഉച്ചക്ക് രണ്ട് മണിക്ക് പാലക്കാട് പ്രസന്നലക്ഷി കല്ല്യാണമണ്ഡപത്തില്‍ സമസ്തയുടെയും കീഴ്ഘടകങ്ങളുടെയും ജില്ലാ പ്രവര്‍ത്തകസമിതികളുടെയും സ്‌പെഷ്യല്‍ കണ്‍വെന്‍ഷന്‍ ചേരും.
ഈ മാസം 13 ന് കോഴിക്കോട് നടക്കുന്ന സമസ്ത ശരീഅത്ത് സമ്മേളനം വിജയിപ്പിക്കാനും യോഗത്തില്‍ തീരുമാനിച്ചു.സമസ്ത ജില്ലാ ട്രഷറര്‍ എം.പി.കുഞ്ഞുമുഹമ്മദ് മുസ്‌ലിയാര്‍ യോഗത്തില്‍ അധ്യക്ഷനാകും. ജില്ലാ പ്രസിഡന്റ് സയ്യിദ് കെ.പി.സി.തങ്ങള്‍ വല്ലപ്പുഴ ഉദ്ഘാടനം ചെയ്തു. കോഡിനേഷന്‍ ചെയര്‍മാന്‍ ഇ.അലവി ഫൈസി ചര്‍ച്ചകള്‍ക്ക് നേതൃത്വം നല്‍കി.കണ്‍വീനര്‍ ടി.കെ.മുഹമ്മദ് കുട്ടി ഫൈസി കരുവാന്‍പടി സ്വാഗതവും സി.മുഹമ്മദലി ഫൈസി കോട്ടോപ്പാടം നന്ദിയും പറഞ്ഞു.
സി.മുഹമ്മദ്കുട്ടി ഫൈസി അലനല്ലൂര്‍, സി.ഹംസ മുസ്‌ലിയാര്‍ മുണ്ടേക്കരാട്, പി.സാദാലിയാഖത്തലിഖാന്‍ ഹാജി കല്ലടിക്കോട്, ടി.എച്ച്.സുലൈമാന്‍ ദാരിമി കോണിക്കഴി, കെ.പി.എ.സമദ് മാസ്റ്റര്‍ പൈലിപ്പുറം, കെ.മുഹമ്മദ്കുട്ടി മാസ്റ്റര്‍ ഇരുമ്പാലശ്ശേരി, സയ്യിദ് ഉമറുല്‍ ഫാറൂഖ് തങ്ങള്‍, പി.കുഞ്ഞുമുഹമ്മദ് ഫൈസി മോളൂര്‍, കെ.ടി.അബ്ദുല്‍സലാം ഫൈസി, പി.മുഹമ്മദ്കുട്ടി മാസ്റ്റര്‍ കൂടല്ലൂര്‍, കെ.ടി.സക്കീര്‍ ഹുസൈന്‍ ദാരിമി, എന്‍.ഹബീബ് ഫൈസി കോട്ടോപ്പാടം, സയ്യിദ് അബ്ദുറഹിമാന്‍ ജിഫ്‌രി തങ്ങള്‍ വല്ലപ്പുഴ, പി.എം യൂസഫ് പത്തിരിപ്പാല, എം.വീരാന്‍ ഹാജി, എം.എം.അശ്കറലി കരിമ്പ, ശോഭ കെ.എ.അബൂബക്കര്‍ പാലക്കാട്, മുഹമ്മദ് അജ്മല്‍ ബീവിപ്പടി, കെ.അബ്ദുല്‍ മുഹ്‌സിന്‍, ടി.ടി ഉസ്മാന്‍ ഫൈസി ചര്‍ച്ചയില്‍ പങ്കെടുത്തു.