പമ്പ: പമ്പയിലേക്കുള്ള കെ.എസ്.ആര്‍.ടി.സി ബസ്സുകളില്‍ നിന്നും സ്ത്രീകളെ ഇറക്കിവിടുന്നു. നിലക്കലില്‍ വച്ച് ബസ്സുകള്‍ പരിശോധിച്ച് സ്ത്രീകളെ ഇറക്കിവിടുകയാണ് ചെയ്യുന്നത്. ശബരിമല ആചാരസംരക്ഷണ സമിതിയുടെ നേതൃത്വത്തിലാണ് പരിശോധന. പ്രദേശം സന്ദര്‍ശിക്കാനെത്തിയവരെയാണ് തടയുന്നത്.

പമ്പയില്‍ വാഹനങ്ങള്‍ തടയാന്‍ അനുവദിക്കില്ലെന്ന് മുഖ്യമന്ത്രി പിണറായി വിജയന്‍. നിയമം കൈയിലെടുക്കുന്നവര്‍ക്കെതിരേ ശക്തമായ നടപടിയെടുക്കും. വിശ്വാസികള്‍ക്ക് ശബരിമലയില്‍ പോകാന്‍ അവകാശമുണ്ട്. സര്‍ക്കാര്‍ സുപ്രിം കോടതി വിധി നടപ്പാക്കുമെന്നും മുഖ്യമന്ത്രി പറഞ്ഞു.