ശബരിമല: തുലാമാസ പൂജയ്ക്കായി ശബരിമല നടതുറന്നു. ഇന്നലെ രാത്രി പത്തു വരെയായിരുന്നു ദര്‍ശനം. ഇന്ന് പുലര്‍ച്ചെ 4.30ന് മഹാഗണപതി ഹോമത്തോടെയാണ് പൂജകള്‍ തുടങ്ങുക.
നാളെ മുതല്‍ 22 വരെ രാവിലെ 4.30 മുതല്‍ 10 വരെ നെയ്യഭിഷേകം. ഈ ദിവസങ്ങളില്‍ ഉദയാസ്തമനപൂജയും ഉച്ചയ്ക്ക് കളഭാഭിഷേകവും വൈകിട്ട് പടിപൂജയും ഉണ്ട്. 22ന് രാത്രി 10ന് നട അടയ്ക്കും. തന്ത്രി കണ്ഠരര് രാജീവര്, മന്ത്രി കടകംപള്ളി സുരേന്ദ്രന്‍, ദേവസ്വം ബോര്‍ഡ് പ്രസിഡന്റ് എ.പത്മകുമാര്‍ തുടങ്ങിയവരുടെ സാന്നിധ്യത്തില്‍ മേല്‍ശാന്തി എ.വി ഉണ്ണികൃഷ്ണന്‍ നമ്പൂതിരിയാണ് നടതുറന്നത്.