കാസര്‍കോട്: സ്വാശ്രയ പാരലല്‍ കോളജ് വിദ്യാര്‍ഥികളുടെ കെ.എസ്.ആര്‍.ടി.സി യാത്രാ സൗജന്യം നിര്‍ത്തലാക്കിയ സംസ്ഥാന സര്‍ക്കാരിന്റെ വിദ്യാര്‍ഥി വിരുദ്ധ നിലപാടിനെതിരേ എം.എസ്.എഫ് ജില്ലാ കമ്മിറ്റി കെ.എസ്.ആര്‍.ടി.സി ഡിപ്പോ ഉപരോധിച്ചു. സമരം ചെയ്ത പ്രവര്‍ത്തകരും പൊലിസും തമ്മില്‍ വാക്കേറ്റവും ഉന്തും തള്ളുമുണ്ടായതിനെ തുടര്‍ന്ന് സമരക്കാരെ പൊലിസ് അറസ്റ്റു ചെയ്തു നീക്കി. ഉപരോധ സമരത്തില്‍ എം.എസ്.എഫ് സംസ്ഥാന വൈസ് പ്രസിഡന്റ് ഹാഷിം ബംബ്രാണി, ജില്ലാ ജനറല്‍ സെക്രട്ടറി സി.ഐ ഹമീദ്, അബ്ദുല്‍ ഖാദര്‍, നഷാത്ത്, സഹദ്, അഷ്‌റഫ്, മുര്‍ഷിദ് മുഹമ്മദ്, ഖലീല്‍, നൗഫല്‍, അറഫാത്ത് സംബന്ധിച്ചു.