അമ്പലപ്പുഴ: ആര്‍.എസ്.എസ് പ്രവര്‍ത്തകനെ വെട്ടിപ്പരുക്കേല്‍പ്പിച്ച കേസില്‍ ഒളിവില്‍ കഴിഞ്ഞ ശിവസേനാപ്രവര്‍ത്തകനെ പോലീസ് പിടികൂടി. നീര്‍ക്കുന്നം പുതുവല്‍ രജീഷ് (24) നെയാണ് അമ്പലപ്പുഴ എസ്.ഐ കെ പ്രതീഷ്‌കുമാറിന്റെ നേതൃത്വത്തിലുളള പോലീസ് അറസ്റ്റു ചെയ്തത്. മെയ് 31 നാണ് ആര്‍.എസ്.എസ് പ്രവര്‍ത്തകനായ നീര്‍ക്കുന്നം പുതുവല്‍ ജൂബിന്‍ ബാബുവിനെ കേസിലെ ഒന്നാം പ്രതി വിധിനോടൊപ്പം രജീഷ് വെട്ടിപ്പരിക്കേല്‍പ്പിച്ചത്.
സംഭവത്തിനുശേഷം ഒളിവിലായിരുന്ന പ്രതിയെ ഇന്നലെ യാണ് പിടികൂടിയത്. പ്രതിയെ അമ്പലപ്പുഴ കോടതി റിമാന്റു ചെയ്തു. കേസിലെ ഒന്നാം പ്രതി വിധിനെ പോലീസ് നേരത്തെ പിടികൂടിരുന്നു.