കേരള ഗവര്‍ണറായി ആരിഫ് മുഹമ്മദ് ഖാന്‍ ചുമതലയേറ്റു. രാവിലെ രാജ്ഭവനില്‍ നടന്ന ചടങ്ങില്‍ ഹൈകോടതി ചീഫ് ജസ്റ്റിസ്
ഋഷികേശ് റോയ് സത്യവാചകം ചൊല്ലിക്കൊടുത്തു. മലയാളത്തില്‍ സത്യവാചകം ചൊല്ലിയാണ് കേരളത്തിലെ 22ാമത് ഗവര്‍ണറായി ആരിഫ് മുഹമ്മദ് ഖാന്‍ ചുമതലയേറ്റത്.

മുഖ്യമന്ത്രി പിണറായി വിജയന്‍, മറ്റു മന്ത്രിമാര്‍, ആരിഫ് മുഹമ്മദിന്റെ ഭാര്യ എന്നിവര്‍ ചടങ്ങില്‍ സംബന്ധിച്ചു. 

യു.പി മുന്‍മുഖ്യമന്ത്രി ചരണ്‍ സിങ് രൂപം കൊടുത്ത ഭാരതീയ ക്രാന്തിദള്‍ വഴി അദ്ദേഹം രാഷ്ട്രീയത്തിലെത്തി. 1977ല്‍ യു.പി നിയമസഭാംഗമായി, ആ വര്‍ഷം തന്നെ കാണ്‍പൂരില്‍ നിന്നും 1984ല്‍ ബഹ്‌റൈച്ചില്‍ നിന്നും ലോക്‌സഭാംഗമായി പിന്നീട് 89ല്‍ ജനതാദള്‍ സര്‍ക്കാര്‍ അധികാരത്തിലെത്തിയപ്പോള്‍ കേന്ദ്രമന്ത്രിയാവുകയും ചെയ്തു.