പനാജി: കര്‍ണാടകയിലെ ജനങ്ങളില്‍ ഭൂരിപക്ഷത്തിനും ദേശീയഗാനം പോലും  അറിയില്ലെന്ന് ഗോവ ശിവസേനാ നേതാവ് ശിവപ്രസാദ് ജോഷി. ഗോവയിലുള്ളവരെല്ലാം ദേശസ്‌നേഹികളാണ്. അവര്‍ക്ക് വന്ദേമാതരം അറിയാം. എന്നാല്‍ കര്‍ണാടകക്കാര്‍ക്ക് ദേശീയഗാനം പോലും നേരെ ചൊവ്വെ അറിയില്ലെന്ന് ജോഷി ആരോപിച്ചു. അവര്‍ക്ക് ദേശീയ നേതാക്കന്‍മാരെ കുറിച്ചും അറിവില്ലെന്ന് ജോഷി കൂട്ടിച്ചേര്‍ത്തു.

ശ്രീരാം സേന തലവന്‍ പ്രമോദ് മുത്തലിഖിനെയും ജോഷി പ്രശംസിച്ചു. കര്‍ണാടകയില്‍ മുത്തലിഖ് പ്രശംസനീയമായ പ്രവര്‍ത്തനങ്ങളാണ് നടത്തുന്നതെന്നും അദ്ദേഹം സ്ത്രീകളുടെ സംരക്ഷകനാണെന്നും ജോഷി പറഞ്ഞു.