റിയാദ്: 'വചനാമൃതം വഴികാട്ടുന്നു' എന്ന പ്രമേയത്തില്‍ സുന്നി യുവജന സംഘം സഊദി നാഷണല്‍ കമ്മിറ്റി ത്രൈമാസ ദേശീയ ക്യാംപയിന്‍ സംഘടിപ്പിക്കുന്നു. മൂന്നു മാസം നീണ്ടു നില്‍ക്കുന്ന ക്യാംപയിന്റെ ഭാഗമായി ഉദ്ഘാടന സമ്മേളനം, പുസ്തക പ്രകാശനം, ദേശീയ തലത്തില്‍ പരീക്ഷകള്‍, വസന്തോത്സവം, വിജയികള്‍ക്ക് സ്വര്‍ണ്ണ നാണയങ്ങളടക്കമുള്ള സമ്മാനങ്ങള്‍, ചരിത്ര പഠന യാത്രകള്‍, ഹിജ്‌റ അറ്റ്‌ലസ്, വിവിധ പദ്ധതികള്‍ നടക്കുന്നതാണ്.

ത്രൈമാസ സമ്മേളനത്തിന്റെ ഔദ്യോഗിക പ്രഖ്യാപന സമ്മേളനം ബുധനാഴ്ച്ച ഫലസ്തീനിലെ ബൈത്തുല്‍ മുഖദ്ദസില്‍ വെച്ച് എസ് വൈ എസ് സ്‌റ്റേറ്റ് കമ്മിറ്റി പ്രതിനിധികളുടെ സാന്നിധ്യത്തില്‍ നടക്കും.
പരിപാടിയില്‍ വിദേശ പ്രതിനിധികളും പ്രമുഖരും പണ്ഡിതരും പരിപാടിയില്‍ പങ്കെടുക്കുമെന്നു എസ് വൈ എസ് സഊദി നാഷണല്‍ കമ്മിറ്റി ഭാരവാഹികള്‍ അറിയിച്ചു.