പാലക്കാട്: ജീവിതബോധവും സാമൂഹ്യബോധവും വളര്‍ത്തുന്ന സുന്ദരമായ കഥകള്‍ കൊച്ചുകുട്ടികള്‍ക്കായി പറഞ്ഞുകൊടുക്കുന്ന പരിപാടി പാലക്കാട് ജില്ലാ പബ്ലിക് ലൈബ്രറിയില്‍ ആരംഭിക്കുന്നു. കഥ പറച്ചില്‍ പരിപാടിയുടെ  ഉദ്ഘാടനം ടി.ഡി രാമകൃഷ്ണന്‍ ഓഗസ്റ്റ് ഏഴിന് രാവിലെ പത്തിന് ജില്ലാ ലൈബ്രറിയില്‍ നിര്‍വഹിക്കും.
ലതാ അനന്തരാമന്റെ നേതൃത്വത്തില്‍ കുമാരി മഞ്ജുശ്രീ ഹരിദാസും കുമാരി ലീന ഒളപ്പമണ്ണയുമാണ്  കഥ പറച്ചില്‍ നടത്തുന്നത്. അഞ്ചുമുതല്‍ പതിനഞ്ചുവരെ പ്രായമുള്ളവരാണ് കേള്‍വിക്കാര്‍. ഇതേ വേദിയില്‍ അനിത ജയനാഥ്  രചിച്ച 'കുറുമ്പത്തൂരിലെ നുറുങ്ങുവിശേഷങ്ങള്‍' എന്ന ബാലസാഹിത്യ നോവല്‍ ബാലസാഹിത്യ രചയിതാവ് എം.എസ് കുമാര്‍ ഗായികയും നടിയുമായ സുനിത നെടുങ്ങാടിക്ക്  നല്‍കിക്കൊണ്ട് പ്രകാശനം ചെയ്യും.